ఓ మనసా నా మనసా

విరామం నీకు తెలుసా
ఎందుకే చేస్తావు నానా రభస

నా మాటలు నీకు అలుసా
నిన్ను అర్థం చేసుకోలేదేమో నేను  బహుశా

ఓ మనసా నా మనసా

-అహం బ్రహ్మస్మి

నడుస్తా నడుస్తా నడుస్తూనె ఉంటా
రాళ్లున్నా నీళ్లున్నా నడుస్తూనె ఉంటా
దుమ్ము పట్టిన కాళ్ళని చూడు గర్వంగా చెప్తాయ్
నేను పట్టిన పట్టు వెనక కధలన్నిటిని

కాయ కాసిన పాదాలనడుగు బిగ్గరగా చెప్తాయ్
నేను పడ్డ కష్టాన్ని ..నేను చూసిన సుఖాన్ని
నడుస్తా నడుస్తా నడుస్తూనె ఉంటా
అలలున్నా వలలున్నా నడుస్తూనె ఉంటా
బ్రతుకు బాటసారిని నేను నడుస్తూనె ఉంటా
                                                                      - అహం బ్రాహ్మాస్మి

ఆపేసాను ఆపేసాను నా కళ్ళల్లో నీళ్ళని
గట్టిగా ఊపిరి తీసుకొని ఆపేసాను
నా కన్నీళ్ళన్నిటిని

గుండెల్లో బరువుని ఉండని ఉండని
కళ్ళల్లో తడిని అలానే నిండని
అప్పుడే ప్రేమకు ప్రాణం ఉంటుంది
అప్పుడే బాధకు అర్ధం ఉంటుంది
వెళ్ళిపో నన్ను విడిచి నన్నే కాదని
అయినా ఉంటాను నిన్నే తలచుకుని...నిన్నే తలచుకుని..

ఆస్తికుడిని  కాదు నాస్తికుడిని కాదు
నేను నేనే నేను నేనే
నాయకుడిని కాదు సైనికుడిని కాదు
నేను నేనే నేను నేనే
మంచివాడిని కాదు చెడ్డవాడిని కాదు
నేను నేనే నేను నేనే

నన్ను నేనుగా చూడు .. నన్ను నేరుగా చూడు
అప్పుడే తెలుస్తుంది నేను ఎవరిననేది ..నేను  నేనే  నేను నేనే ..

                    - అహం బ్రహ్మాస్మి

నిలదియ్యరా నిన్ను  నిలదియ్యరా
నిన్ను నువ్వే ప్రశ్నించి నిలదియ్యరా
చూసీ చూడనట్టు నిన్ను చూడకురా
ధైర్యంగా నిలబెట్టి నిన్ను నిలదియ్యరా
అప్పుడే ఆగుతుంది ఈ అంతర్యుద్ధం
అప్పుడే ముగుస్తుంది ఆ బాహ్య యుద్ధం    ..ఇది తధ్యం

                                                 - అహం బ్రాహ్మాస్మి 

ఆపెయ్  ఆపెయ్ పరుగులు ఆపెయ్
చక్కగ  నించొని చూడర  ఆపై

అపుడో  ఎపుడో కాదుర జీవితం
నేడే నేడే  నిజముర ఇది నిజం

రేపటి భయమే నేటికి సమాధి
అరెరె మరువకు అదే గతి రేపటిది

                        -అహం బ్రహ్మాస్మి 

గీసాం గీసాం గీతలు గీసాం
నీది నాది అని రాతలు రాసాం
ఏది ఏది ఆ నీది ఏది
అందరికీ కానిది ఎందుకు ఆ నీది
మానవత్వానికి హద్దులు లేవే
ప్రేమ తత్వానికి అడ్డులు లేవే
చెరిపేయ్ చేరిపేయ్ ఈ గీతలు చెరిపేయ్
కనిపించని సంకెళ్లను నీ కళ్ళు తెరిచి తెంపేయ్

                               -అహం బ్రహ్మాస్మి 

ఏదో ఉన్నాం ఏదో పోయాం
చూస్తాం చూస్తాం చూస్తూ చస్తాం
కదిలించని చూపు ఎందుకు చెప్పు
కదలిరాని చేయి అది రాయి

సోదరా సోదరా శోధించరా
అక్కడా ఇక్కడా అది నువ్వేరా

స్వార్ధమై పోకు రా ఓ సోదరా
ధైర్యమై సాగరా నువ్వు మనిషిరా

                      - అహం బ్రహ్మాస్మి 

శ్రీ రామారాధన 22

మెరుపుల ముస్తాబులో నువ్వు మెరిసిపోవగా
ఆ కాంతుల కల్లాబు పై నా ఆత్మ నాట్యము చేసే

ఉగాది పచ్చడి నీ ప్రసాదమై సేవించగా
ఆ రుచుల బహువచనంలో నీ ఏకత్వం కనిపించే

రామా ..ఓ అందాల రామా ..
నీ అందము ముందు నా అహంకారము చీమ

రామా .. ఓ ఉగాది రామా ..
ఈ ఉగాది రోజు నాలో కొలువు తీరుమా ..

నా తప్పులను సరిదిద్ది ,
నిన్ను నాలొ ఉంచి ,
నా ద్వారా మంచిని పెంపొందించ కరుణించ వయా    ..శ్రీ రామా ..

         - అహం బ్రహ్మాస్మి

శ్రీ రామారాధన 21

పరిస్థితి రాకుండానే ఆలోచన వస్తుంది

ఆ ఆలోచన కూడా చెడునే తలుస్తుంది

ఈ కలలో ఆ కలని కరిగించే కళ యేనా నీ నామము

ఇన్ని అబద్ధాలు కలిస్తే గాని గుర్తుకురాదా శ్రీ రామము
 
నీ నిజమైన నామము.. ఈ అబద్ధమైన సంసారము..
 
ఎందుకు ఆ ద్వైతము? దీనికి జవాబే కదా అద్వైతము

 
ఈ సంసారామునే నీ నామమయము చేయు సాధన ..
 
ఆ అబద్ధానికి ముందే నిజము తలచే యోచన ..నిరంతరము నీ నామస్మరణ ..

జై శ్రీరాం ..జై జై శ్రీ రామ్
                                                       -అహం బ్రహ్మాస్మి.