తెలుగు తీపి తెలిపే బూరె భళా  !!

బొబ్బట్లు లేని తెలుగు భొజనమెలా !!

అరెస లాంటి  వంటకం ఇంకొకటి కల్ల !!

జంతికల వలలో పడాల్సిందే మరలా మరలా !!

కనుల విందు కాదు ..కడుపు విందు ఇది .. తెలుగు  విందు  ఇది .. అద్భుతః ..

నేనంటూ పోతే..ఏడవరా బిడ్డ..

నేనంటూ పోతే..నవ్వరా బిడ్డ..

నేనంటూ పోతే..మరువరా బిడ్డ..

నేనంటూ పోతే..తేడానే లేదు..

నేనంటూ పోతే..నువ్వింకా ఉన్నావ్..

చూడు మిత్రమా చూడు.. ఆస్వాదించు.. ఆనందించు..

అలలు చేసే శబ్ధం ఎన్నటికీ కాలుష్యం కాదు..

అలా వీచే గాలి ఎన్నటికీ ఆగేది కాదు ..

నీళ్ళు తాకే కాళ్ళు..ఆహా ఏమి ఆ ప్రాణం..

కళ్ళు చూసే గానం..ప్రకృతి ఆనంద గానం..

నేనున్నా బ్రతికున్నా కొండ మీద ఇంటిలో

చెట్టన్నా పుట్టన్నా కనబడవే నాకెందుకో

కుల గర్జన కాదు కుల గజ్జి ఇది
కలి కాలము కాదు కుల కాలము ఇది

కళకు కొలతలు లేవు
కళకు అవధులు లేవు
ఒకరి కోసము కాదిది
ఇంకొకరి  కోరిక కాదిది
ప్రకృతి రంగులలో ఒకటిది
నీ ప్రకృతి అదే కళైనది
పాట ఆట మాట మౌనం
నిన్ను  నీలా చూపేది
నీకు నిన్ను చూపించేది
కళ అది

    - అహం బ్రహ్మాస్మి

ఎన్నాళ్లని రా ఈ బలులు
మేలుకోరా ఇక చాలు
నా దేశం నా దేశం అంటావు
నా దేశం కానిది లోకం కాదా
నా దేశంలో లేనివారు మనుషులు కారా
దేశానికి దేశానికి అడ్డు మనుషులే రా
దేశానికి దేశానికి అడ్డు ఆ  మనిషిలో అహమేరా
రంగు వేరు రూపు వేరు
పేరు వేరు పలుకు వేరు
మనిషి మాత్రం ఒకటే రా
మనిషి అసలు స్వరూపం ప్రేమే రా
నమ్మి చూడు ప్రెమించి చూడు
అప్పుడు హద్దులు లేని ఒక దేశం అవతరిస్తుంది చూడు

- అహం బ్రహ్మాస్మి

ప్రేమించిన పని చెయ్యాలా
చేసే పనిని ప్రేమించాలా
ప్రేమించి పెళ్లి చేసుకోవాలా
పెళ్లి చేసుకొని ప్రేమించాలా

ఏమో తెలియదు నాకు
ఏది అసలైన దిక్కు

అసలు ప్రేమకు అది ఇది ఏమిటి
అసలు ప్రేమకు ఆడ మగ ఎమిటి
అసలు ప్రేమకు , పెళ్ళికి సంబంధం ఎమిటి
హద్దులు లేనిది కాదా
అడ్డులు తెలియనిది కాదా

- అహం బ్రహ్మాస్మి 

నాలా బ్రతకాలంటే నేనై పుట్టాలి
నన్నే గెలవాలంటే నేనై ఆడాలి
నా బ్రతుకు పుస్తకానికి నేనే అన్నీ
నా జీవిత రహదారిలో నేనే ఒక ఒంటరిని
వేరు వాడి వైపు చూడకు రా చూడకు
వాడి పరుగు వాడిదే నీ నడక నీదే

- అహం బ్రహ్మాస్మి 

ఒక్కడినే నేనొక్కడినే నేనే వాడిని ఒక్కడినే
రాతిని కొట్టి రూపము చెక్కి రంగులు పూసే వస్తున్నా
వస్తూ వస్తూ చూసా శిల్పము చాలా ఉంది నాలాగ
రూపము నేనే రంగూ నేనే ఎత్తూ బరువు అన్నీ నేనే
ఇంకో నాలుగు అడుగులు వేసా మళ్ళీ చూసా శిల్పమునే
ఏడుస్తుంది నన్నే చూసి నేను విరగ్గొట్టిన తన రాతిని చూసి
విప్పలేని నోటితో కార్చలేని కన్నీటితో ఆర్తితో అడిగింది
ఎందుకు ఈ స్వార్ధమని

-అహం బ్రహ్మాస్మి